ShareYourGroupShareYourGroupChanakya Niti

Chanakya Niti: chapter 8

Eighth chapter: 23 verses in Sanskrit with Roman letters.

This is the eighth chapter of the Chanakya Niti, with 23 verses in the edition we use. We have not written gists for this chapter; the verses are shown in Sanskrit and Roman letters.

« Chapter 7 · Chapter 9 »

8.1

अधमा धनमिइच्छन्ति धनं मानं च मध्यमाः । उत्तमा मानमिच्छन्ति मानो हि महतां धनम्

adhamā dhanamiicchanti dhanaṃ mānaṃ ca madhyamāḥ | uttamā mānamicchanti māno hi mahatāṃ dhanam

8.2

इक्षुरापः पयो मूलं ताम्बूलं फलमौषधम् । भक्षयित्वाऽपिकर्तव्याःस्नानदानादिकाःक्रियाः

ikṣurāpaḥ payo mūlaṃ tāmbūlaṃ phalamauṣadham | bhakṣayitvā'pikartavyāḥsnānadānādikāḥkriyāḥ

8.3

दीपो भक्षयते ध्वान्तं कज्जलं च प्रसूयते । यदन्नं भक्ष्यते नित्यं जायते तादृशी प्रजा

dīpo bhakṣayate dhvāntaṃ kajjalaṃ ca prasūyate | yadannaṃ bhakṣyate nityaṃ jāyate tādṛśī prajā

8.4

वित्तंदेहि गुणान्वितेष मतिमन्नाऽन्यत्रदेहि क्वचित् । प्राप्तं वारिनिधेर्जलं घनमुचां माधुर्ययुक्तं सदा जीवाः स्थावरजड्गमाश्च सकला संजीव्य भूमण्डलं । भूयः पश्यतदेवकोटिगुणितंगच्छस्वमम्भोनिधिम्

vittaṃdehi guṇānviteṣa matimannā'nyatradehi kvacit | prāptaṃ vārinidherjalaṃ ghanamucāṃ mādhuryayuktaṃ sadā jīvāḥ sthāvarajaḍgamāśca sakalā saṃjīvya bhūmaṇḍalaṃ | bhūyaḥ paśyatadevakoṭiguṇitaṃgacchasvamambhonidhim

8.5

चाण्डालानां सहस्त्रैश्च सूरिभिस्तत्त्वदर्शिभिः । एको हि यवनः प्रोक्तो न नीचो यवनात्परः

cāṇḍālānāṃ sahastraiśca sūribhistattvadarśibhiḥ | eko hi yavanaḥ prokto na nīco yavanātparaḥ

8.6

तैलाभ्यड्गे चिताधूमे मैथुने क्षौरकर्मणि । तावद् भवति चाण्डालो यावत्स्नानं न चाचरेत्

tailābhyaḍge citādhūme maithune kṣaurakarmaṇi | tāvad bhavati cāṇḍālo yāvatsnānaṃ na cācaret

8.7

अजीर्णे भेषजं वारि जार्णे वारि बलप्रदम् । भोजने चाऽमृतं वारि भोजनान्ते विषप्रदम्

ajīrṇe bheṣajaṃ vāri jārṇe vāri balapradam | bhojane cā'mṛtaṃ vāri bhojanānte viṣapradam

8.8

हतं ज्ञानं क्रियाहीनं हतश्चाऽज्ञानतो नरः । हतं निर्नायकं सैन्यं स्त्रियो नष्टा ह्यभर्तृकाः

hataṃ jñānaṃ kriyāhīnaṃ hataścā'jñānato naraḥ | hataṃ nirnāyakaṃ sainyaṃ striyo naṣṭā hyabhartṛkāḥ

8.9

वृध्द्काले मृता भार्या बन्धुहस्ते गतं धनम् । भाजनं च पराधीनं स्त्रिः पुँसां विडम्बनाः

vṛdhdkāle mṛtā bhāryā bandhuhaste gataṃ dhanam | bhājanaṃ ca parādhīnaṃ striḥ puṃsāṃ viḍambanāḥ

8.10

अग्निहोत्रं विना वेदाः न च दानं विना क्रियाः । न भावेनविना सिध्दिस्तस्माद्भावो हि कारणम्

agnihotraṃ vinā vedāḥ na ca dānaṃ vinā kriyāḥ | na bhāvenavinā sidhdistasmādbhāvo hi kāraṇam

8.11

न देवो विद्यते काष्ठे न पाषाणे न मृण्मये । भावे हि विद्यते देवस्तस्माद्भावो हि कारणम्

na devo vidyate kāṣṭhe na pāṣāṇe na mṛṇmaye | bhāve hi vidyate devastasmādbhāvo hi kāraṇam

8.12

काष्ठ-पाषाण-धातूनां कृत्वा भावेन सेवनम् । श्रध्दया च तया सिध्दिस्तस्य विष्णोः प्रसादतः

kāṣṭha-pāṣāṇa-dhātūnāṃ kṛtvā bhāvena sevanam | śradhdayā ca tayā sidhdistasya viṣṇoḥ prasādataḥ

8.13

शान्तितुल्यं तपो नास्ति न सन्तोषात्परं सुखम् । न तृष्णया परो व्याधिर्न च धर्मो दया परः

śāntitulyaṃ tapo nāsti na santoṣātparaṃ sukham | na tṛṣṇayā paro vyādhirna ca dharmo dayā paraḥ

8.14

क्रोधो वैवस्वतो राहा तृष्णा वैतरणी नदी । विद्या कामदुधा धेनुः सन्तोषो नन्दनंवनम्

krodho vaivasvato rāhā tṛṣṇā vaitaraṇī nadī | vidyā kāmadudhā dhenuḥ santoṣo nandanaṃvanam

8.15

गुणो भूषयते रूपं शीलं भूषयते कुलम् । सिध्दिर्भूषयते वद्यां भोगी भूषयते धनम्

guṇo bhūṣayate rūpaṃ śīlaṃ bhūṣayate kulam | sidhdirbhūṣayate vadyāṃ bhogī bhūṣayate dhanam

8.16

निर्गुणस्य हतं रूपं दुःशीलस्य हतं कुलम् । असिद्धस्य हता विद्या अभोगेन हतं धनम्

nirguṇasya hataṃ rūpaṃ duḥśīlasya hataṃ kulam | asiddhasya hatā vidyā abhogena hataṃ dhanam

8.17

शुद्धं भूमिगतं तोयं शुद्धा नारी पतिव्रता । शुचिः क्षेमकरो राजा संतोषी ब्राह्मणः शुचिः

śuddhaṃ bhūmigataṃ toyaṃ śuddhā nārī pativratā | śuciḥ kṣemakaro rājā saṃtoṣī brāhmaṇaḥ śuciḥ

8.18

असंतुष्टा द्विजा नष्टाः संतुष्टाश् च महीभृतः । सलज्जा गणिका नष्टाः निर्लज्जाश् च कुलाङ्गनाः

asaṃtuṣṭā dvijā naṣṭāḥ saṃtuṣṭāś ca mahībhṛtaḥ | salajjā gaṇikā naṣṭāḥ nirlajjāś ca kulāṅganāḥ

8.19

किं कुलेन विशालेन विद्याहीनेन देहिनाम् । दुष्कुलीनो ऽपि विद्वांश् च देवैर् अपि सुपूज्यते

kiṃ kulena viśālena vidyāhīnena dehinām | duṣkulīno 'pi vidvāṃś ca devair api supūjyate

8.20

विद्वान् प्रशस्यते लोके विद्वान्सर्वत्र गौरवम् । विद्यया लभते सर्व विद्या सर्वत्र पूज्यते

vidvān praśasyate loke vidvānsarvatra gauravam | vidyayā labhate sarva vidyā sarvatra pūjyate

8.21

रूपयौवनसंपन्ना विशालकुलसम्भवाः । विद्याहीना नशोभन्ते निर्गन्धा इवकिंशुकाः

rūpayauvanasaṃpannā viśālakulasambhavāḥ | vidyāhīnā naśobhante nirgandhā ivakiṃśukāḥ

8.22

मांसभक्षैः सुरापानैः मूर्खैश्चाऽक्षरवर्जितैः । पशुभि पुरुषाकारर्भाराक्रान्ताऽस्ति मेदिनी

māṃsabhakṣaiḥ surāpānaiḥ mūrkhaiścā'kṣaravarjitaiḥ | paśubhi puruṣākārarbhārākrāntā'sti medinī

8.23

अन्नहीना दहेद्राष्ट्रं मंत्रहीनश्च रिषीत्विजः । यजमानं दानहीनो नास्ति यज्ञसमो रिपुः

annahīnā dahedrāṣṭraṃ maṃtrahīnaśca riṣītvijaḥ | yajamānaṃ dānahīno nāsti yajñasamo ripuḥ

The Sanskrit is from a volunteer-made online edition and may contain slips; the gists are our own plain summaries, not a translation. Maxims reflect the society and the views of their time, and some verses about women, birth and class are not views we share; we show the text as it is and do not comment on those verses.