ShareYourGroupShareYourGroupChanakya Niti

Chanakya Niti: chapter 6

Sixth chapter: 22 verses in Sanskrit with Roman letters.

This is the sixth chapter of the Chanakya Niti, with 22 verses in the edition we use. We have not written gists for this chapter; the verses are shown in Sanskrit and Roman letters.

« Chapter 5 · Chapter 7 »

6.1

श्रुत्वा धर्मं विजानाति श्रुत्वा त्यजति दुर्मतिम् । श्रुत्वा ज्ञानमवाप्नोति श्रुत्वा मोक्षमवाप्नुयात्

śrutvā dharmaṃ vijānāti śrutvā tyajati durmatim | śrutvā jñānamavāpnoti śrutvā mokṣamavāpnuyāt

6.2

पक्षिणां काकचाण्डालः पशूनां चैव कुक्कुरः । मुनीनां पापी चाण्डालः सर्वचाण्डालनिन्दकः

pakṣiṇāṃ kākacāṇḍālaḥ paśūnāṃ caiva kukkuraḥ | munīnāṃ pāpī cāṇḍālaḥ sarvacāṇḍālanindakaḥ

6.3

भस्मना शुध्यते कांस्यं ताम्रमम्लेन शुध्यति । रजसा शुध्यते नारि नदी वेगेन शुध्यति

bhasmanā śudhyate kāṃsyaṃ tāmramamlena śudhyati | rajasā śudhyate nāri nadī vegena śudhyati

6.4

भ्रमन्संपूज्यते राजा भ्रमन्संपूज्यते द्विजः । भ्रमन्संपूज्यते योगी स्त्री भ्रमन्ती विनश्यति

bhramansaṃpūjyate rājā bhramansaṃpūjyate dvijaḥ | bhramansaṃpūjyate yogī strī bhramantī vinaśyati

6.5

यस्यार्थास्तस्य मित्राणि यस्यर्थास्तस्य बांधवाः । यस्याथाः स पुमांल्लोके यस्यार्थाः सच पण्डितः

yasyārthāstasya mitrāṇi yasyarthāstasya bāṃdhavāḥ | yasyāthāḥ sa pumāṃlloke yasyārthāḥ saca paṇḍitaḥ

6.6

तादृशी जायते बुध्दिर्व्यवसायोऽपि तादृशः । सहायास्तादृशा एव यादृशी भवितव्यता

tādṛśī jāyate budhdirvyavasāyo'pi tādṛśaḥ | sahāyāstādṛśā eva yādṛśī bhavitavyatā

6.7

कालः पचति भूतानि कालः संहरते प्रजाः । कालः सुप्तेषु जागर्ति कालो हि दुरतिक्रमः

kālaḥ pacati bhūtāni kālaḥ saṃharate prajāḥ | kālaḥ supteṣu jāgarti kālo hi duratikramaḥ

6.8

नैव पश्यति जन्माधः कामान्धो नैव पश्यति । मदोन्मत्ता न पश्यन्ति अर्थी दोषं न पश्यति

naiva paśyati janmādhaḥ kāmāndho naiva paśyati | madonmattā na paśyanti arthī doṣaṃ na paśyati

6.9

स्वयं कर्म करोत्यत्मा स्वयं तत्फलमश्नुते । स्वयं भ्रमति संसारे स्वयं तस्माद्विमुच्यते

svayaṃ karma karotyatmā svayaṃ tatphalamaśnute | svayaṃ bhramati saṃsāre svayaṃ tasmādvimucyate

6.10

राजा राष्ट्रकृतं पापं राज्ञः पापं पुरोहितः । भर्ता च स्त्रीकृतं पापं शिष्यपापं गुरुस्तथा

rājā rāṣṭrakṛtaṃ pāpaṃ rājñaḥ pāpaṃ purohitaḥ | bhartā ca strīkṛtaṃ pāpaṃ śiṣyapāpaṃ gurustathā

6.11

ऋणकर्ता पिता शत्रुमाता च व्यभिचारिणी । भार्या रूपवती शत्रुः पुत्रः शत्रुरपण्डितः

ṛṇakartā pitā śatrumātā ca vyabhicāriṇī | bhāryā rūpavatī śatruḥ putraḥ śatrurapaṇḍitaḥ

6.12

लुब्धमर्थेन गृहिणीयात् स्तब्धमञ्जलिकर्मणा । मूर्खं छन्दानुवृत्या च यथार्थत्वेन पण्डितम्

lubdhamarthena gṛhiṇīyāt stabdhamañjalikarmaṇā | mūrkhaṃ chandānuvṛtyā ca yathārthatvena paṇḍitam

6.13

वरं न राज्यं न कुराजराज्यं वरं न मित्रं न कुमित्रमित्रम् । वरं न शिष्यो न कुशिष्यशिष्यो वरं न दारा न कुदारदाराः

varaṃ na rājyaṃ na kurājarājyaṃ varaṃ na mitraṃ na kumitramitram | varaṃ na śiṣyo na kuśiṣyaśiṣyo varaṃ na dārā na kudāradārāḥ

6.14

कुराजराज्येन कुतः प्रजासुखं कुमित्रमित्रेण कुतोऽभिनिर्वृतिः । कुदारदारैश्च कुतो गृहे रतिः कुशिष्यमध्यापयतः कुतो यशः

kurājarājyena kutaḥ prajāsukhaṃ kumitramitreṇa kuto'bhinirvṛtiḥ | kudāradāraiśca kuto gṛhe ratiḥ kuśiṣyamadhyāpayataḥ kuto yaśaḥ

6.15

सिंहादेकं वकादेकं शिक्षेच्चत्वारि कुक्कुटात् । वायसात्पञ्च शिक्षेच्चष्ट् शुनस्त्रीणिगर्दभात्

siṃhādekaṃ vakādekaṃ śikṣeccatvāri kukkuṭāt | vāyasātpañca śikṣeccaṣṭ śunastrīṇigardabhāt

6.16

प्रभूतं कार्यमपि वा तन्नरः कर्तुमिच्छति । सर्वारम्भेण तत्कार्यं सिंहादेकं प्रचक्षते

prabhūtaṃ kāryamapi vā tannaraḥ kartumicchati | sarvārambheṇa tatkāryaṃ siṃhādekaṃ pracakṣate

6.17

इन्द्रियाणि च संयम्य वकवत् पण्डितो नरः । देशकालबलं ज्ञात्वा सर्वकार्याणि साधयेत्

indriyāṇi ca saṃyamya vakavat paṇḍito naraḥ | deśakālabalaṃ jñātvā sarvakāryāṇi sādhayet

6.18

प्रत्युत्थानञ्च युध्द्ञ्च संविभागञ्च बन्धुषु । स्वयमाक्रम्यभुक्तञ्चशिक्षेच्चत्वारिकुक्कुटात्

pratyutthānañca yudhdñca saṃvibhāgañca bandhuṣu | svayamākramyabhuktañcaśikṣeccatvārikukkuṭāt

6.19

गूढमैथुनचारित्वं काले काले च संग्रहम् । अप्रमत्तमविश्वासं पञ्च शिक्षेच्च वायसात्

gūḍhamaithunacāritvaṃ kāle kāle ca saṃgraham | apramattamaviśvāsaṃ pañca śikṣecca vāyasāt

6.20

बह्वाशी स्वल्पसन्तुष्टः सनिद्रो लघुचेतनः । स्वामिभक्तश्च शूरश्च षडेतो श्वानतोगुणाः

bahvāśī svalpasantuṣṭaḥ sanidro laghucetanaḥ | svāmibhaktaśca śūraśca ṣaḍeto śvānatoguṇāḥ

6.21

सुश्रान्तोऽपि वहेत भारं शीतोष्णं न च पश्यति । सन्तुष्टश्चरते नित्यं त्रीणि शिक्षेच्च गर्दभात्

suśrānto'pi vaheta bhāraṃ śītoṣṇaṃ na ca paśyati | santuṣṭaścarate nityaṃ trīṇi śikṣecca gardabhāt

6.22

एतान् विंशतिगुणानाचरिष्यति मानवः । कार्यावस्थासु सर्वासु अजेयः स भविष्यति

etān viṃśatiguṇānācariṣyati mānavaḥ | kāryāvasthāsu sarvāsu ajeyaḥ sa bhaviṣyati

The Sanskrit is from a volunteer-made online edition and may contain slips; the gists are our own plain summaries, not a translation. Maxims reflect the society and the views of their time, and some verses about women, birth and class are not views we share; we show the text as it is and do not comment on those verses.