Chanakya Niti: chapter 13
Thirteenth chapter: 21 verses in Sanskrit with Roman letters.
This is the thirteenth chapter of the Chanakya Niti, with 21 verses in the edition we use. We have not written gists for this chapter; the verses are shown in Sanskrit and Roman letters.
मुहूर्त्तं माप जीवेच्च नरः शुक्लेण कर्मणा । न कल्पमापि कष्टेन लोकद्वयविरोधिना
muhūrttaṃ māpa jīvecca naraḥ śukleṇa karmaṇā | na kalpamāpi kaṣṭena lokadvayavirodhinā
गते शोको न कर्तव्यो भविष्यं नैव चिन्तयेत् । वर्तमानेन कालेन प्रवर्त्तन्ते विचक्षणाः
gate śoko na kartavyo bhaviṣyaṃ naiva cintayet | vartamānena kālena pravarttante vicakṣaṇāḥ
स्वभावेन हि तुष्यन्ति देवाः सत्पुरुषाः पिता । ज्ञातयः स्नान-पानाभ्यां वाक्यदानेन पंडिताः
svabhāvena hi tuṣyanti devāḥ satpuruṣāḥ pitā | jñātayaḥ snāna-pānābhyāṃ vākyadānena paṃḍitāḥ
आयुः कर्म च वित्तञ्च विद्या निधनमेव च । पञ्चैतानि च सृज्यन्ते गर्भस्थस्यैव देहिनः
āyuḥ karma ca vittañca vidyā nidhanameva ca | pañcaitāni ca sṛjyante garbhasthasyaiva dehinaḥ
अहो वत ! विचित्राणि चरितानि महात्मनाम् । लक्ष्मी तृणाय मन्यन्ते तद्भारेण नमन्ति च
aho vata ! vicitrāṇi caritāni mahātmanām | lakṣmī tṛṇāya manyante tadbhāreṇa namanti ca
यस्य स्नेहो भयं तस्य स्नेहो दुःखस्य भाजनम् । स्नेहमूलानि दुःखानि तानि त्यक्त्वा वसेत्सुखम्
yasya sneho bhayaṃ tasya sneho duḥkhasya bhājanam | snehamūlāni duḥkhāni tāni tyaktvā vasetsukham
अनागतविधाता च प्रत्युत्पन्नमतिस्तथा । द् वावेतौ सुखमेधेते यद्भविष्यो विनश्यति
anāgatavidhātā ca pratyutpannamatistathā | d vāvetau sukhamedhete yadbhaviṣyo vinaśyati
राज्ञधर्मणि धर्मिष्ठाः पापे पापाः समे समाः । राजानमनुवर्तन्ते यथा राजा तथा प्रजाः
rājñadharmaṇi dharmiṣṭhāḥ pāpe pāpāḥ same samāḥ | rājānamanuvartante yathā rājā tathā prajāḥ
जीवन्तं मृतवन्मन्ये देहिनं धर्मवर्जितम् । मृतो धर्मेण संतुक्तो दीर्घजीवी न संशयः
jīvantaṃ mṛtavanmanye dehinaṃ dharmavarjitam | mṛto dharmeṇa saṃtukto dīrghajīvī na saṃśayaḥ
धर्मार्थकाममोक्षाणां यस्यैकोऽपि न विद्यते । अजागलस्तनस्येव तस्य जन्म निरर्थकम्
dharmārthakāmamokṣāṇāṃ yasyaiko'pi na vidyate | ajāgalastanasyeva tasya janma nirarthakam
दह्यमानाः सुतीब्रेण नीचाः परयशोऽग्निना । अशक्तास्तत्पदं गन्तुं ततो निन्दां प्रकुर्वते
dahyamānāḥ sutībreṇa nīcāḥ parayaśo'gninā | aśaktāstatpadaṃ gantuṃ tato nindāṃ prakurvate
बन्धाय विषयासङ्गं मुक्त्यै निर्विषयं मनः । मन एव मनुष्याणां कारणं बन्धमोक्षयोः
bandhāya viṣayāsaṅgaṃ muktyai nirviṣayaṃ manaḥ | mana eva manuṣyāṇāṃ kāraṇaṃ bandhamokṣayoḥ
देहाभिमानगलिते ज्ञानेन परमात्मनः । यत्र यत्र मनो याति तत्र तत्र समाधयः
dehābhimānagalite jñānena paramātmanaḥ | yatra yatra mano yāti tatra tatra samādhayaḥ
ईप्सितं मनसः सर्वं कस्य सम्पद्यते सुखम् । दैवायत्तं यतः सर्वं तस्मात् संतोषमाश्रयेत्
īpsitaṃ manasaḥ sarvaṃ kasya sampadyate sukham | daivāyattaṃ yataḥ sarvaṃ tasmāt saṃtoṣamāśrayet
यथा धेनुसहस्त्रेषु वत्सो गच्छति मातरम् । तथा यच्च कृतं कर्म कर्तारमनुगच्छाति
yathā dhenusahastreṣu vatso gacchati mātaram | tathā yacca kṛtaṃ karma kartāramanugacchāti
अनवस्थितकार्यस्य न जने न वने सुखम् । जनो दहति संसर्गाद्वनं संगविवर्जनात्
anavasthitakāryasya na jane na vane sukham | jano dahati saṃsargādvanaṃ saṃgavivarjanāt
यत् खनित्वा खनित्रेण भुतले वारि विन्दति । तथा गुरुगतां विद्या शुश्रुषुरधिगच्छति
yat khanitvā khanitreṇa bhutale vāri vindati | tathā gurugatāṃ vidyā śuśruṣuradhigacchati
कर्मायत्तं फलं पुंसां बुध्दिः कर्मानुसारिणी । तथाऽपि सुधियश्चार्या सुविचार्यैव कुर्वते
karmāyattaṃ phalaṃ puṃsāṃ budhdiḥ karmānusāriṇī | tathā'pi sudhiyaścāryā suvicāryaiva kurvate
एकाक्षरप्रदातारं यो गुरुं नाऽभिवन्दते । श्वानयोनिशतं भुक्त्वा चांडालेष्वभिजायते
ekākṣarapradātāraṃ yo guruṃ nā'bhivandate | śvānayoniśataṃ bhuktvā cāṃḍāleṣvabhijāyate
युगान्ते प्रचलेन्मेरुः कल्पान्ते सप्त सागराः । साधवः प्रतिपन्नार्थान्न चलन्ति कदाचन
yugānte pracalenmeruḥ kalpānte sapta sāgarāḥ | sādhavaḥ pratipannārthānna calanti kadācana
पृथिव्यां त्रीणि रत्नानि अन्नमापः सुभाषितम् । मूढैः पाषाणखण्डॆषु रत्नसंख्या विधीयते
pṛthivyāṃ trīṇi ratnāni annamāpaḥ subhāṣitam | mūḍhaiḥ pāṣāṇakhaṇḍeṣu ratnasaṃkhyā vidhīyate
The Sanskrit is from a volunteer-made online edition and may contain slips; the gists are our own plain summaries, not a translation. Maxims reflect the society and the views of their time, and some verses about women, birth and class are not views we share; we show the text as it is and do not comment on those verses.