Chanakya Niti: chapter 11
Eleventh chapter: 18 verses in Sanskrit with Roman letters.
This is the eleventh chapter of the Chanakya Niti, with 18 verses in the edition we use. We have not written gists for this chapter; the verses are shown in Sanskrit and Roman letters.
दातृत्वं प्रियवक्तृत्वं धीरत्वमुचितज्ञता । अभ्यासेन न लभ्यन्ते चत्वारः सहजा गुणाः
dātṛtvaṃ priyavaktṛtvaṃ dhīratvamucitajñatā | abhyāsena na labhyante catvāraḥ sahajā guṇāḥ
आत्मवर्गं परित्यज्य परवर्गं समाश्रयेत् । स्वयमेव लयं याति यथा राज्यमधर्मतः
ātmavargaṃ parityajya paravargaṃ samāśrayet | svayameva layaṃ yāti yathā rājyamadharmataḥ
हस्ती स्थूलतनुः सचांकुशवशः कि हस्तिमात्रेकुंशः । दीपे प्रज्वलिते प्रणश्यति तमः किं दीपमात्रं तमः ॥ वज्रेणापि हताः पतन्ति गिरयः किं वज्रमात्रन्नगाः । तेजो यस्य विराजते स बलवान्स्थूलेषुकः प्रत्ययः
hastī sthūlatanuḥ sacāṃkuśavaśaḥ ki hastimātrekuṃśaḥ | dīpe prajvalite praṇaśyati tamaḥ kiṃ dīpamātraṃ tamaḥ || vajreṇāpi hatāḥ patanti girayaḥ kiṃ vajramātrannagāḥ | tejo yasya virājate sa balavānsthūleṣukaḥ pratyayaḥ
कलोदश सहस्त्राणि हरिस्त्यजति मेदिनीम् । तदर्ध्दं जान्हवीतोयं तदर्ध्दं ग्रामदेवताः
kalodaśa sahastrāṇi haristyajati medinīm | tadardhdaṃ jānhavītoyaṃ tadardhdaṃ grāmadevatāḥ
गृहासक्तस्य नो विद्या न दया मांस भोजिनः । द्रव्यलुब्धस्य नो सत्यं स्त्रैणस्य न पवित्रता
gṛhāsaktasya no vidyā na dayā māṃsa bhojinaḥ | dravyalubdhasya no satyaṃ straiṇasya na pavitratā
न दुर्जनः साधुदशामुपैति बहुप्रकारैरपि शिक्ष्यमाणः । आमूलसिक्तः पयसाघृतेन न निम्बवृक्षौमधुरत्वमेति
na durjanaḥ sādhudaśāmupaiti bahuprakārairapi śikṣyamāṇaḥ | āmūlasiktaḥ payasāghṛtena na nimbavṛkṣaumadhuratvameti
अन्तर्गतमलौ दुष्टः तीर्थस्नानशतैरपि । न शुध्दयति यथा भाण्डं सुरदा दाहितं च यत्
antargatamalau duṣṭaḥ tīrthasnānaśatairapi | na śudhdayati yathā bhāṇḍaṃ suradā dāhitaṃ ca yat
न वेत्ति तो यस्य गुण प्रकर्ष स तं सदा निन्दति नाऽत्र चित्रम् । यथा किरती करिकुम्भलब्धां मुक्तां परित्यज्य बिभर्ति गुञ्जाम्
na vetti to yasya guṇa prakarṣa sa taṃ sadā nindati nā'tra citram | yathā kiratī karikumbhalabdhāṃ muktāṃ parityajya bibharti guñjām
ये तु संवत्सरं पूर्ण नित्यं मौनेन भुंजते । युगकोटि सहस्त्रन्तु स्वर्गलोके महीयते
ye tu saṃvatsaraṃ pūrṇa nityaṃ maunena bhuṃjate | yugakoṭi sahastrantu svargaloke mahīyate
कामं क्रोधं तथा लोभं स्वादुश्रृंगारकौतुकम् । अतिनिद्राऽतिसेवा च विद्यार्थी ह्यष्ट वर्जयेत्
kāmaṃ krodhaṃ tathā lobhaṃ svāduśrṛṃgārakautukam | atinidrā'tisevā ca vidyārthī hyaṣṭa varjayet
अकृष्टफलमुलानि वनवासरितः सदा । कुरुतेऽहरहः श्राध्दमृषिर्विप्रः स उच्यते
akṛṣṭaphalamulāni vanavāsaritaḥ sadā | kurute'harahaḥ śrādhdamṛṣirvipraḥ sa ucyate
एकाहारेण सन्तुष्टः षट्कर्मनिरतः सदा । रीतुकालेऽभिगामी च स विप्रो द्विज उच्यते
ekāhāreṇa santuṣṭaḥ ṣaṭkarmanirataḥ sadā | rītukāle'bhigāmī ca sa vipro dvija ucyate
लौकिके कर्मणि रतः पशूनां परिपालकः । वाणिज्यकृषिकर्ता यः स विप्रो वैश्य उच्यते
laukike karmaṇi rataḥ paśūnāṃ paripālakaḥ | vāṇijyakṛṣikartā yaḥ sa vipro vaiśya ucyate
लाक्षादितैलनीलानां कौसुम्भमधुसर्पिषाम् । विक्रेता मद्यमांसानां स विप्रः शुद्र उच्यते
lākṣāditailanīlānāṃ kausumbhamadhusarpiṣām | vikretā madyamāṃsānāṃ sa vipraḥ śudra ucyate
परकार्यविहन्ता च दाम्भिकः स्वार्थसाधकः । छली द्वेषी मृदुक्रूरो विप्रो मार्जार उच्यते
parakāryavihantā ca dāmbhikaḥ svārthasādhakaḥ | chalī dveṣī mṛdukrūro vipro mārjāra ucyate
वापीकूपतडागानामारामसुरवेश्यनाम् । उच्छेदने निराशंकः स विप्रो म्लेच्छ उच्यते
vāpīkūpataḍāgānāmārāmasuraveśyanām | ucchedane nirāśaṃkaḥ sa vipro mleccha ucyate
देवद्रव्यं गुरुद्रव्यं परदाराभिमर्षणम् । निर्वाहः सर्वभूतेषु विप्रश्चाण्डाल उच्यते
devadravyaṃ gurudravyaṃ paradārābhimarṣaṇam | nirvāhaḥ sarvabhūteṣu vipraścāṇḍāla ucyate
देयं भोज्यधनं सुकृतिभिर्नो संचयस्तस्य व श्रीकर्णस्य बलेश्च विक्रमपतेरद्यापि कीर्तिः स्थिता । अस्माकं मधुदानभोगरहितं नष्टं चिरात्सचितं निर्वाणादिति नष्टपादयुगल घर्षन्यहो मक्षिकाः
deyaṃ bhojyadhanaṃ sukṛtibhirno saṃcayastasya va śrīkarṇasya baleśca vikramapateradyāpi kīrtiḥ sthitā | asmākaṃ madhudānabhogarahitaṃ naṣṭaṃ cirātsacitaṃ nirvāṇāditi naṣṭapādayugala gharṣanyaho makṣikāḥ
The Sanskrit is from a volunteer-made online edition and may contain slips; the gists are our own plain summaries, not a translation. Maxims reflect the society and the views of their time, and some verses about women, birth and class are not views we share; we show the text as it is and do not comment on those verses.