Chanakya Niti: chapter 10
Tenth chapter: 20 verses in Sanskrit with Roman letters.
This is the tenth chapter of the Chanakya Niti, with 20 verses in the edition we use. We have not written gists for this chapter; the verses are shown in Sanskrit and Roman letters.
अथ वृध्द चाणक्यस्योत्तरार्ध्दम् । धनहीनो न हीनश्च धनिकः स सुनिश्चयः । विद्यारत्नेन हीनो यः स हीनः सर्ववस्तुषु
atha vṛdhda cāṇakyasyottarārdhdam | dhanahīno na hīnaśca dhanikaḥ sa suniścayaḥ | vidyāratnena hīno yaḥ sa hīnaḥ sarvavastuṣu
दृष्टिपुतं न्यसेत्पादं वस्त्रपूतं पिबेज्जलम् । शास्त्रपूतं वदेद्वाक्यं मनःपूतं समाचरेत्
dṛṣṭiputaṃ nyasetpādaṃ vastrapūtaṃ pibejjalam | śāstrapūtaṃ vadedvākyaṃ manaḥpūtaṃ samācaret
सुखार्थी चेत्यजेद्विद्यां विद्यार्थी चेत्त्यजेत्सुखम् । सुखार्थीनः कुतो विद्या सुखं विद्यार्थिनः कुतः
sukhārthī cetyajedvidyāṃ vidyārthī cettyajetsukham | sukhārthīnaḥ kuto vidyā sukhaṃ vidyārthinaḥ kutaḥ
कवयः किं न पश्यन्ति कि न कुर्वन्ति योषितः । मद्यपाः किं न जल्पन्ति किंन खादन्ति वायसाः
kavayaḥ kiṃ na paśyanti ki na kurvanti yoṣitaḥ | madyapāḥ kiṃ na jalpanti kiṃna khādanti vāyasāḥ
रंक करोति राजानं राजानं रंकमेवच । धनिनं निर्धनं चैव निर्धनं धनिनं विधिः
raṃka karoti rājānaṃ rājānaṃ raṃkamevaca | dhaninaṃ nirdhanaṃ caiva nirdhanaṃ dhaninaṃ vidhiḥ
लुब्धानां याचकः शत्रुमूर्खाणां बोधको रिपुः । जारस्त्रीणां पतिः शत्रुश्चौराणां चन्द्रमा रिपुः
lubdhānāṃ yācakaḥ śatrumūrkhāṇāṃ bodhako ripuḥ | jārastrīṇāṃ patiḥ śatruścaurāṇāṃ candramā ripuḥ
येषां न विद्या न तपो न दानं न चापि शीलं न गुणो न धर्मः । ते मृत्युलोके भुवि भारभूता मनुष्यरूपेण मृगाश्चरन्ति
yeṣāṃ na vidyā na tapo na dānaṃ na cāpi śīlaṃ na guṇo na dharmaḥ | te mṛtyuloke bhuvi bhārabhūtā manuṣyarūpeṇa mṛgāścaranti
अन्तः सारविहीनानामुपदेशो न जायते । मलयाचलसंसर्गान्न वेणुश्चन्दनायते
antaḥ sāravihīnānāmupadeśo na jāyate | malayācalasaṃsargānna veṇuścandanāyate
यस्य नास्ति स्वयं प्रज्ञा शास्त्रं तस्य करोति किम् । लोचनाभ्यां विहीनस्य दर्पणः किं करिष्यति
yasya nāsti svayaṃ prajñā śāstraṃ tasya karoti kim | locanābhyāṃ vihīnasya darpaṇaḥ kiṃ kariṣyati
दुर्जनं सज्जनं कर्तुमुपायो न हि भूतले । अपानं शतधा धौतं न श्रेष्ठमिन्द्रियं भवेत्
durjanaṃ sajjanaṃ kartumupāyo na hi bhūtale | apānaṃ śatadhā dhautaṃ na śreṣṭhamindriyaṃ bhavet
आप्तद्वेषाद्भवैन्मृत्युः परद्वेषाध्दनक्षयः । राजद्वेषाद्भवेन्नशो ब्रह्मद्वेषात्कुलक्षयः
āptadveṣādbhavainmṛtyuḥ paradveṣādhdanakṣayaḥ | rājadveṣādbhavennaśo brahmadveṣātkulakṣayaḥ
वरं वनं व्याघ्रगजेन्द्रसेवितं द्रुमालयं पक्वफलाम्बुसेवनम् । तृणेषु शय्या शतजीर्णबल्कलं न बन्धुमध्ये धनहीनजीवनम्
varaṃ vanaṃ vyāghragajendrasevitaṃ drumālayaṃ pakvaphalāmbusevanam | tṛṇeṣu śayyā śatajīrṇabalkalaṃ na bandhumadhye dhanahīnajīvanam
विप्रो वृक्षस्तस्य मूलं च सन्ध्या वेदाः शाखा धर्मकर्माणि पत्रम् । तस्मात् मूलं यत्नो रक्षणीयम् छिन्ने मूले नैव शाखा न पत्रम्
vipro vṛkṣastasya mūlaṃ ca sandhyā vedāḥ śākhā dharmakarmāṇi patram | tasmāt mūlaṃ yatno rakṣaṇīyam chinne mūle naiva śākhā na patram
माता च कमला देवी पिता देवो जनार्दनः । बान्धवा विष्णु भक्ताश्च स्वदेशे भुवनत्रयम्
mātā ca kamalā devī pitā devo janārdanaḥ | bāndhavā viṣṇu bhaktāśca svadeśe bhuvanatrayam
एकवृक्षे समारूढा नानावर्णा बिहंगमाः । प्रभाते दिक्षु दशसु का तत्र परिवेदना ?
ekavṛkṣe samārūḍhā nānāvarṇā bihaṃgamāḥ | prabhāte dikṣu daśasu kā tatra parivedanā ?
बुद्धिर् यस्य बलं तस्य निर्बुद्धेश् च कुतो बलम् । वने हस्ती मदोन्मत्तः शशकेन निपातितः
buddhir yasya balaṃ tasya nirbuddheś ca kuto balam | vane hastī madonmattaḥ śaśakena nipātitaḥ
का चिन्ता मम जीवने यदि हरिर् विश्वंभरो गीयते । नो चेद् अर्भकजीवनाय जननीस्तन्यं कथं निःसरेत् ॥ इत्यालोच्य मुहुर्मुहुर्यदुपते लक्ष्मीपते केवलम् । त्वत्पदाम्बुजसेवनेन सततं कालो मया नीयते
kā cintā mama jīvane yadi harir viśvaṃbharo gīyate | no ced arbhakajīvanāya jananīstanyaṃ kathaṃ niḥsaret || ityālocya muhurmuhuryadupate lakṣmīpate kevalam | tvatpadāmbujasevanena satataṃ kālo mayā nīyate
गीर्वाणवाणीषु विशिष्टबुध्दि- स्तथापि भाषान्तरलालुपोऽहम् । यथा सुधायाममरिषु सत्यां स्वर्गड्गनानामधरासवे रुचिः
gīrvāṇavāṇīṣu viśiṣṭabudhdi- stathāpi bhāṣāntaralālupo'ham | yathā sudhāyāmamariṣu satyāṃ svargaḍganānāmadharāsave ruciḥ
अनाद्दशगुणं पिस्टं पिस्टाद्दशगुणं पयः । पयसोऽष्टगुणं मांसं मांसाद्दशगुणं घृतम्
anāddaśaguṇaṃ pisṭaṃ pisṭāddaśaguṇaṃ payaḥ | payaso'ṣṭaguṇaṃ māṃsaṃ māṃsāddaśaguṇaṃ ghṛtam
शाकेन रोगा वर्ध्दते पयसो वर्ध्दते तनुः । घृतेन वर्ध्दते वीर्यं मांसान्मासं प्रवर्ध्दते
śākena rogā vardhdate payaso vardhdate tanuḥ | ghṛtena vardhdate vīryaṃ māṃsānmāsaṃ pravardhdate
The Sanskrit is from a volunteer-made online edition and may contain slips; the gists are our own plain summaries, not a translation. Maxims reflect the society and the views of their time, and some verses about women, birth and class are not views we share; we show the text as it is and do not comment on those verses.